ਸਤਿਗੁਰੂ ਦੇ ਹਿਊਸਟਨ ਦੇ ਸਤਸੰਗ ਪ੍ਰੋਗਰਾਮ ਵਿਚ ਇਕ ਵਾਧੂ ਦਿਨ ਜੋੜਿਆ ਗਯਾ ਹੈ| ਪ੍ਰੋਗਰਾਮ ਹੁਣ ਸੋਮਵਾਰ, 6 ਅਤੇ ਮੰਗਲਵਾਰ, 7, ਜੁਲਾਈ 2026 ਸਵੇਰੇ 10:00 ਵਜੇ ਹੋਵੇਗਾ|
ਸੋਮਵਾਰ, 6 ਅਤੇ ਮੰਗਲਵਾਰ, 7, ਜੁਲਾਈ 2026
ਨਿਮੰਤਰਿਤ ਖੇਤਰ (INVITED AREA) – ਸੰਯੁਕਤ ਰਾਜ ਅਮਰੀਕਾ, ਮੈਕਸੀਕੋ, ਕੈਰੇਬੀਅਨ, ਸੈਂਟਰਲ ਅਮਰੀਕਾ ਅਤੇ ਦੱਖਣੀ ਅਮਰੀਕਾ ਦੇ ਸਾਰੇ ਨਿਵਾਸੀਆਂ ਨੂੰ ਹਿਊਸਟਨ ਵਿਖੇ ਸਤਿਗੁਰਾਂ ਦੇ ਸਤਿਸੰਗ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣ ਲਈ ਸੱਦਾ ਦਿੱਤਾ ਜਾਂਦਾ ਹੈ।
ਸਤਿਸੰਗ ਪ੍ਰੋਗਰਾਮ – ਸਵੇਰੇ 10:00 ਵਜੇ ਸਤਿਸੰਗ ਪ੍ਰੋਗਰਾਮ ਸ਼ੁਰੂ ਹੋਵੇਗਾ।
ਪਹੁੰਚਣ ਦਾ ਸਮਾਂ – ਕਿਰਪਾ ਕਰਕੇ ਸਾਈਟ ਤੇ ਸਵੇਰੇ 6:30 ਵਜੇ ਤੋਂ ਪਹਿਲਾਂ ਨਾਂ ਪਹੁੰਚਣਾ ਜੀ। ਜਲਦੀ ਪਹੁੰਚਣ ਨਾਲ ਸੁਰੱਖਿਆ ਅਤੇ ਟ੍ਰੈਫਿਕ ਲਈ ਖ਼ਤਰੇ ਵਾਲੀ ਸਥਿਤੀ ਪੈਦਾ ਹੋ ਸਕਦੀ ਹੈ। ਗੇਟ ਖੁੱਲਣ ਤਕ ਸੰਗਤ ਦੀ ਸਹੂਲੀਅਤ ਲਈ ਕੋਈ ਵੀ ਸੁਵਿਧਾ ਉਪਲਬਧ ਨਹੀਂ ਹੋਵੇਗੀ। ਕਿਰਪਾ ਕਰਕੇ ਸੇਵਾਦਾਰਾਂ ਨੂੰ ਸਾਈਟ ਤੇ ਪਹੁੰਚਣ ਤੇ ਸਾਈਟ ਨੂੰ ਤਿਆਰ ਕਰਨ ਲਈ ਉਚਿਤ ਵਕਤ ਅਤੇ ਸਹਿਯੋਗ ਦਿਓ ਜੀ। ਕਿਰਪਾ ਕਰਕੇ ਸਥਾਨਕ ਪੁਲੀਸ ਦੇ ਦਿੱਤੇ ਗਏ ਨਿਰਦੇਸ਼ਾਂ ਦੀ ਆਦਰਪੂਰਵਕ ਪਾਲਣਾ ਕਰਨਾ ਜੀ। ਸਵੇਰੇ 6:30 ਵਜੇ ਦੇ ਦਿੱਤੇ ਵਕਤ ਤੋਂ ਪਹਿਲਾਂ ਕਿਸੇ ਨੂੰ ਵੀ ਸਤਿਸੰਗ ਹਾਲ ਦੇ ਅੰਦਰ ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।
ਬੈਠਣ ਦਾ ਇੰਤਜ਼ਾਮ – ਸੰਗਤ ਨੂੰ ਸਤਿਸੰਗ ਸ਼ੁਰੂ ਹੋਣ ਤੋਂ 45 ਮਿੰਟ ਪਹਿਲਾਂ ਆਪਣੀਆਂ ਸੀਟਾਂ ਤੇ ਬੈਠ ਜਾਣਾ ਚਾਹੀਦਾ ਹੈ। ਜੋ ਸੰਗਤ ਇਕੱਠੇ ਬੈਠਣਾ ਚਾਹੁੰਦੀ ਹੈ, ਉਹਨਾਂ ਨੂੰ ਇਕੱਠੇ ਹੀ ਪਹੁੰਚਣਾ ਚਾਹੀਦਾ ਹੈ। ਦੂਸਰਿਆਂ ਲਈ ਸੀਟਾਂ ਰੋਕ ਕੇ ਰੱਖਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਸਭ ਦੀ ਸੁਰੱਖਿਆ ਅਤੇ ਸੁਵਿਧਾ ਲਈ, ਕਿਰਪਾ ਕਰਕੇ ਸੇਵਾਦਾਰਾਂ ਦਾ ਸਹਿਯੋਗ ਦਿਓ ਜੀ। ਤੁਸੀਂ ਬੈਠਣ ਲਈ ਇੱਕ ਗੱਦੀ ਲੈ ਕੇ ਆ ਸਕਦੇ ਹੋ ਪਰ ਕੋਈ ਵੀ ਮੈਟਲ ਫਰੇਮ ਵਾਲੀ ਸੀਟ ਨਹੀਂ।
ਸਤਿਸੰਗ ਦਾ ਨਾਲ-ਨਾਲ ਭਾਸ਼ਾ ਅਨੁਵਾਦ – ਸਤਿਸੰਗ ਦਾ ਪੰਜਾਬੀ/ਹਿੰਦੀ ਤੋਂ ਅੰਗਰੇਜ਼ੀ ਅਤੇ ਅੰਗਰੇਜ਼ੀ ਤੋਂ ਸਪੈਨਿਸ਼ ਵਿਚ ਨਾਲ-ਨਾਲ ਅਨੁਵਾਦ ਹੋਵੇਗਾ। ਇਸ ਸੁਵਿਧਾ ਲਈ ਹਾਲ ਵਿਚ ਇੱਕ ਹੈੱਡਫੋਨ ਵਾਲੀ ਜਗ੍ਹਾ ਦਾ ਇੰਤਜ਼ਾਮ ਕੀਤਾ ਗਿਆ ਹੈ। ਕਿਰਪਾ ਧਿਆਨ ਦਿਓ ਕਿ ਉਥੇ ਬੈਠਣ ਦੀ ਜਗ੍ਹਾ ਸੀਮਿਤ ਹੈ। ਇਸ ਲਈ ਜੋ ਪਹਿਲਾਂ ਆਉਣਗੇ, ਉਹਨਾਂ ਨੂੰ ਉਥੇ ਬੈਠਣ ਦਾ ਮੌਕਾ ਵੀ ਪਹਿਲਾਂ ਮਿਲੇਗਾ।
ਸਵਾਲ ਅਤੇ ਜਵਾਬ – ਜੋ ਸਤਿਗੁਰੂ ਨੂੰ ਸਵਾਲ ਪੁੱਛਣਾ ਚਾਹੁੰਦੇ ਹਨ, ਉਹਨਾਂ ਦਾ ਚੁਣਾਓ ਰੋਜ਼ ਸਤਿਸੰਗ ਤੋਂ ਪਹਿਲਾਂ ਇੱਕ ਪਰਚੀ ਦੇ ਜ਼ਰੀਏ ਕੀਤਾ ਜਾਵੇਗਾ। ਇਹ ਚੁਣਾਓ ਏਰੀਆ ਰੋਜ਼ ਸਵੇਰੇ 7:00 ਵਜੇ ਖੁਲ੍ਹੇਗਾ ਅਤੇ 8:00 ਵਜੇ ਬੰਦ ਹੋ ਜਾਵੇਗਾ, ਜਿਸ ਤੋਂ ਬਾਅਦ ਚੁਣਾਓ ਕੀਤਾ ਜਾਵੇਗਾ। ਜੇ ਤੁਸੀਂ ਸਵਾਲ ਪੁੱਛਣਾ ਚਾਹੁੰਦੇ ਹੋਂ ਤਾਂ ਤੁਸੀਂ ਪਹਿਲਾਂ ਸਤਿਸੰਗ ਹਾਲ ਵਿਚ ਆਪਣੀ ਸੀਟ ਰੱਖ ਕੇ, ਸਵਾਲ-ਜਵਾਬ ਚੁਣਾਓ ਏਰੀਆ ਤੇ ਆ ਜਾਓ। ਅਗਰ ਤੁਸੀਂ ਚੁਣੇ ਨਹੀਂ ਗਏ ਤਾਂ ਤੁਸੀਂ ਆਪਣੀ ਸੀਟ ਤੇ ਵਾਪਸ ਚਲੇ ਜਾਣਾ ਜੀ। ਚੁਣੇ ਜਾਣ ਦੀ ਪ੍ਰਕਿਰਿਆ ਤੋਂ ਬਾਅਦ ਕਿਸੇ ਨੂੰ ਵੀ ਸਵਾਲ-ਜਵਾਬ ਦੀ ਲਾਈਨ ਵਿਚ ਲੱਗਣ ਦੀ ਇਜਾਜ਼ਤ ਨਹੀਂ ਹੈ।
ਸਵਾਲ-ਜਵਾਬ ਲਈ ਹਦਾਇਤਾਂ:
ਡੇਰੇ ਵਲੋਂ ਨਿਵੇਦਨ ਹੈ ਕਿ ਸਵਾਲਾਂ ਦੇ ਸੰਬੰਧਿਤ ਹੇਠਲੀ ਜਾਣਕਾਰੀ ਦਿੱਤੀ ਜਾਵੇ:
ਸੰਗਤ ਲਈ ਬੇਨਤੀਆਂ:
ਇਹਨਾਂ ਚੀਜ਼ਾਂ ਨੂੰ ਲੈਕੇ ਆਉਣ ਦੀ ਮਨਾਹੀ ਹੈ – ਮੋਬਾਈਲ ਫੋਨ, ਪੇਜਰ, ਕੈਮਰਾ, ਦੂਰਬੀਨ, ਲੇਜ਼ਰ ਪੋਇੰਟਰ, ਆਡੀਓ ਪਲੇਅਰ, ਘੜੀਆਂ ਅਤੇ ਹੋਰ ਯੰਤਰ ਜਿਹਨਾਂ ਨਾਲ ਆਡੀਓ/ਵੀਡੀਓ ਰਿਕੋਰਡਿੰਗ ਕੀਤੀ ਜਾਂ ਭੇਜੀਆਂ ਜਾ ਸਕਦੀਆਂ ਹਨ ਜਾਂ ਇਲੈਕਟ੍ਰਾਨਿਕ ਗੇਮਜ਼ ਜਾਂ ਹੋਰ ਕੋਈ ਵੀ ਇਲੈਕਟ੍ਰਾਨਿਕ ਵਸਤੂ ਅਤੇ ਹਥਿਆਰ, ਖਾਣ ਪੀਣ ਦੀਆਂ ਚੀਜ਼ਾਂ (ਪਾਣੀ ਤੋਂ ਇਲਾਵਾ) ਨੂੰ ਸਤਿਸੰਗ ਹਾਲ, ਫੈਮਿਲੀ ਏਰੀਆ ਅਤੇ ਆਲੇ-ਦੁਆਲੇ ਦੇ ਏਰੀਆ ਵਿੱਚ ਲੈਕੇ ਜਾਣ ਦੀ ਮਨਾਹੀ ਹੈ। ਇਹੋ ਜਿਹੀ ਕੋਈ ਵੀ ਵਸਤੂ ਨੂੰ ਆਪਣੀ ਰਿਹਾਇਸ਼ ਵਾਲੀ ਜਗ੍ਹਾ, ਜਾਂ ਆਪਣੀ ਗੱਡੀ ਵਿੱਚ ਛੱਡ ਕੇ ਆਓ ਜਾਂ ਸੇਵਾਦਾਰਾਂ ਕੋਲ ਜਮਾ ਕਰਵਾਓ ਜੀ।
ਤਸਵੀਰ ਲੈਣਾ ਅਤੇ ਆਡੀਓ/ਵੀਡੀਓ ਰਿਕਾਰਡਿੰਗ ਪ੍ਰੋਪਰਟੀ ਤੇ ਕਿਸੇ ਵੀ ਜਗ੍ਹਾ ਤੇ ਮੋਬਾਈਲ ਫੋਨ ਜਾਂ ਕਿਸੀ ਹੋਰ ਇਲੈਕਟ੍ਰਾਨਿਕ ਯੰਤਰ ਦੇ ਜ਼ਰੀਏ ਤਸਵੀਰ ਲੈਣ ਦੀ ਜਾਂ ਆਡੀਓ/ਵੀਡੀਓ ਰਿਕਾਰਡਿੰਗ ਕਰਨ ਦੀ ਮਨਾਹੀ ਹੈ।
ਵੱਡੇ ਬੈਗ ਜਾਂ ਪਰਸ (ਲਗਭਗ 6"x9" ਤੋਂ ਵੱਡੇ) ਨੂੰ ਸਤਿਸੰਗ ਹਾਲ ਵਿੱਚ ਲੈਕੇ ਜਾਣ ਦੀ ਇਜਾਜ਼ਤ ਨਹੀਂ ਹੈ। ਇਸ ਗੱਲ ਦਾ ਖਿਆਲ ਰੱਖਣਾ ਕਿ ਸਤਿਸੰਗ ਹਾਲ ਜਾਂ ਫੈਮਿਲੀ ਏਰੀਆ ਦੇ ਅੰਦਰ ਜਾਣ ਤੋਂ ਪਹਿਲਾਂ ਹਰ ਬੈਗ ਦੀ ਜਾਂਚ ਕੀਤੀ ਜਾ ਸਕਦੀ ਹੈ। ਇੱਕ ਛੋਟੀ ਗੱਦੀ ਲੈ ਕੇ ਆਉਣ ਦੀ ਇਜਾਜ਼ਤ ਹੈ ਪਰ ਮੈਟਲ ਫਰੇਮ ਵਾਲੀ ਕੁਰਸੀ ਦੀ ਇਜਾਜ਼ਤ ਨਹੀਂ ਹੈ।
ਇਲੈਕਟ੍ਰਾਨਿਕ ਸਕਰੀਨਿੰਗ – ਸਤਿਸੰਗ ਪ੍ਰੋਗਰਾਮ ਤੇ ਆਉਣ ਵਾਲੀ ਸਾਰੀ ਸੰਗਤ ਦੀ ਇਲੈਕਟ੍ਰਾਨਿਕ ਸਕਰੀਨਿੰਗ ਕੀਤੀ ਜਾਵੇਗੀ। ਸਾਰੇ ਬੈਗ ਅਤੇ ਪਰਸਾਂ ਦੀ ਜਾਂਚ ਕੀਤੀ ਜਾ ਸਕਦੀ ਹੈ। ਅੰਦਰ ਆਉਣ ਦੇ ਕਿਸੇ ਵੀ ਪੁਆਇੰਟ ਤੇ ਤੁਹਾਨੂੰ ਆਪਣੀ ਜੇਬ ਵਿਚੋਂ ਸਾਰੀਆਂ ਮੈਟਲ ਦੀਆਂ ਚੀਜ਼ਾਂ ਨੂੰ ਕੱਢ ਕੇ ਇਕ ਸਾਫ ਪਾਰਦਰਸ਼ੀ ਬੈਗ ਵਿਚ ਪਾਉਣ ਲਈ ਕਿਹਾ ਜਾਵੇਗਾ। ਇਹ ਪਲਾਸਟਿਕ ਬੈਗ ਤੁਹਾਨੂੰ ਦਿੱਤਾ ਜਾਵੇਗਾ। ਇਸ ਕੰਮ ਵਿੱਚ ਜ਼ਿਆਦਾ ਸਮਾਂ ਨਾ ਲੱਗੇ, ਇਸ ਲਈ ਅਸੀਂ ਨਿਵੇਦਨ ਕਰਦੇ ਹਾਂ ਕਿ ਇਸ ਤਰਾਂ ਦੇ ਕੱਪੜੇ ਨਾ ਪਾਉਣਾ ਜਿਹਨਾਂ ਵਿਚ ਬੇਲੋੜੇ ਮੈਟਲ ਸਟ੍ਰੈਪ, ਵੱਡੇ ਬੈਲਟ ਬੱਕਲ ਵਗੈਰਾ ਹੋਣ। ਕਿਰਪਾ ਕਰਕੇ ਆਪਣੇ ਸੈੱਲ ਫੋਨ ਅਤੇ ਹੋਰ ਇਲੈਕਟ੍ਰਾਨਿਕ ਯੰਤਰਾਂ ਨੂੰ ਗੱਡੀ ਵਿੱਚ ਹੀ ਛੱਡ ਆਉਣਾ ਜੀ ਜਾਂ ਸਕਰੀਨਿੰਗ ਦੇ ਕੋਲ ਕੋਲੈਕਸ਼ਨ ਪੁਆਇੰਟ ਤੇ ਜਮਾ ਕਰਵਾ ਦੇਣਾ। ਜੇ ਤੁਹਾਡੇ ਕੋਲ ਕੋਈ ਵੀ ਇਹੋ ਜਿਹੀ ਚੀਜ਼ ਹੋਵੇਗੀ, ਜਿਸ ਨੂੰ ਅੰਦਰ ਲੈਕੇ ਜਾਣਾ ਮਨਾ ਹੋਵੇ ਤਾਂ ਤੁਹਾਨੂੰ ਆਪਣੀ ਗੱਡੀ ਕੋਲ ਵਾਪਸ ਆਉਣਾ ਪਵੇਗਾ ਜਾਂ ਫਿਰ ਕੋਲੈਕਸ਼ਨ ਪੁਆਇੰਟ ਤੇ ਜਮਾਂ ਕਰਾ ਕੇ ਸਕਰੀਨਿੰਗ ਤੇ ਵਾਪਸ ਆਉਣਾ ਪਵੇਗਾ।
ਨੋਟਸ ਲੈਣਾ – ਸਤਿਗੁਰੂ ਚਾਹੁੰਦੇ ਹਨ ਕਿ ਅਸੀਂ ਉਹਨਾਂ ਦੀ ਮੌਜੂਦਗੀ ਦਾ ਪੂਰਾ-ਪੂਰਾ ਫਾਇਦਾ ਉਠਾਈਏ ਅਤੇ ਆਪਣਾ ਸਮਾਂ ਅਤੇ ਧਿਆਨ ਨੋਟਸ ਲਿਖਣ ਵਿੱਚ ਨਾ ਲਾਈਏ। ਇਸ ਲਈ ਕਿਰਪਾ ਕਰਕੇ ਸਤਿਸੰਗ ਵਿਚ ਜਾਂ ਸਵਾਲ-ਜਵਾਬ ਦੇ ਦੌਰਾਨ ਨੋਟਸ ਨਾ ਲਿਖੋ। ਨੋਟਸ ਲਿਖ ਕੇ ਉਹਨਾਂ ਨੂੰ ਇੰਟਰਨੇਟ ਜਾਂ ਕਿਸੇ ਹੋਰ ਤਰੀਕੇ ਨਾਲ ਦੂਜਿਆਂ ਨੂੰ ਭੇਜਣ ਦੀ ਸਖ਼ਤ ਮਨਾਹੀ ਹੈ।
ਸਤਿਸੰਗ ਤੇ ਬੱਚਿਆਂ ਨਾਲ ਆਉਣਾ – 10 ਅਤੇ 10 ਤੋਂ ਵੱਡੀ ਉਮਰ ਦੇ ਬੱਚਿਆਂ ਨੂੰ ਸਤਿਸੰਗ ਵਿਚ ਆਉਣ ਦੀ ਇਜਾਜ਼ਤ ਹੈ। 10 ਸਾਲ ਤੋਂ ਘੱਟ ਦੇ ਬੱਚਿਆਂ ਨੂੰ ਆਪਣੇ ਮਾਂ-ਬਾਪ ਜਾਂ ਗਾਰਡੀਅਨ ਨਾਲ ਫੈਮਿਲੀ ਏਰੀਆ ਵਿੱਚ ਜਾਣਾ ਪਵੇਗਾ। ਮਾਂ-ਬਾਪ ਜਾਂ ਗਾਰਡੀਅਨ ਸਤਿਸੰਗ ਦੇ ਦੌਰਾਨ ਅਤੇ ਸਾਈਟ ਤੇ ਹਰ ਵੇਲੇ ਆਪਣੇ ਬੱਚਿਆਂ ਲਈ ਜਿੰਮੇਵਾਰ ਹੋਣਗੇ । ਸਤਿਸੰਗ ਦੇ ਦੌਰਾਨ ਫੈਮਲੀ ਏਰੀਆ ਅਤੇ ਸਤਿਸੰਗ ਹਾਲ ਦੇ ਵਿੱਚ ਮਾਂ-ਬਾਪ/ਗਾਰਡੀਅਨ ਦੀ ਕੋਈ ਅਦਲਾ-ਬਦਲੀ ਨਹੀਂ ਹੋਵੇਗੀ। ਜ਼ਿਆਦਾ ਜਾਣਕਾਰੀ ਦੇ ਲਈ ਫੈਮਲੀ ਏਰੀਆ (Family Area) ਪੇਜ ਦੇਖੋ।
ਖਾਸ ਜ਼ਰੂਰਤਾਂ ਵਾਲੇ ਲੋਕ /ਸਪੈਸ਼ਲ ਨੀਡਜ਼ – ਖਾਸ ਜ਼ਰੂਰਤਾਂ ਵਾਲੇ ਲੋਕਾਂ ਲਈ ਸਹਾਇਤਾ ਦਾ ਇੰਤਜ਼ਾਮ ਕੀਤਾ ਜਾਵੇਗਾ। ਜਦੋਂ ਤੁਸੀਂ ਸਤਿਸੰਗ ਦੇ ਲਈ ਪਹੁੰਚੋਗੇ ਤਾਂ ਕਿਰਪਾ ਕਰਕੇ ਖਾਸ ਜ਼ਰੂਰਤਾਂ ਦੀ ਪਾਰਕਿੰਗ ਅਤੇ ਡ੍ਰੌਪ ਆਫ਼ (drop off) ਦੇ ਸੰਕੇਤਾਂ ਦੀ ਪਾਲਣਾ ਕਰਨਾ। ਨਿੱਜ਼ੀ ਉਪਯੋਗ ਲਈ ਸੈਂਟਰ ਵਲੋਂ ਕੋਈ ਵੀ ਮੈਡੀਕਲ ਉਪਕਰਣ, ਜਿਸ ਤਰ੍ਹਾਂ ਕਿ ਵੀਲ੍ਹਚੇਅਰ ਜਾਂ ਵਾਕਰ ਦਾ ਇੰਤਜ਼ਾਮ ਨਹੀਂ ਹੋਵੇਗਾ। ਆਪਣੀ ਜ਼ਰੂਰਤ ਦੀਆਂ ਚੀਜ਼ਾਂ ਕਿਰਪਾ ਕਰਕੇ ਆਪਣੇ ਨਾਲ ਲੈ ਕੇ ਆਓ ਜੀ।
ਭੋਜਨ – ਸਤਿਸੰਗ ਤੋਂ ਬਾਅਦ, ਸੰਗਤ ਦੇ ਖਰੀਦਣ ਲਈ ਲੰਚ ਬੈਗ ਹੋਵੇਗਾ ਜਿਸ ਵਿਚ ਇੱਕ ਸੈਂਡਵਿਚ (sandwich), ਫਲ, ਪਾਣੀ ਦੀ ਬੋਤਲ ਅਤੇ ਸੀਰੀਅਲ ਬਾਰ ਹੋਵੇਗਾ। ਚਾਹ ਅਤੇ ਬਿਸਕੁਟ ਸਤਿਸੰਗ ਤੋਂ ਪਹਿਲਾਂ ਉਪਲੱਭਧ ਹੋਣਗੇ। ਕਿਰਪਾ ਕਰ ਕੇ ਖਾਣ-ਪੀਣ ਦੀ ਵਧੇਰੇ ਜਾਣਕਾਰੀ ਲਈ ਡਾਇਨਿੰਗ ਗਾਈਡ (Dining Guide) ਵੇਖੋ ਜੀ।
ਸਥਾਨਿਕ ਲੋਕਾਂ ਨਾਲ ਸੰਬੰਧ – ਸੰਗਤ ਦੇ ਹਰ ਵਿਅਕਤੀ ਨੂੰ ਸਥਾਨਿਕ ਲੋਕਾਂ ਨਾਲ ਆਪਣਾ ਰਵੱਈਆ ਚੰਗਾ ਅਤੇ ਪਿਆਰ ਭਰਿਆ ਰੱਖਣਾ ਚਾਹੀਦਾ ਹੈ। ਸਾਡੇ ਸਤਿਸੰਗ ਸੈਂਟਰਾਂ ਨੇ ਸਥਾਨਿਕ ਲੋਕਾਂ ਅਤੇ ਸਰਕਾਰ ਨਾਲ ਚੰਗੇ ਸੰਬੰਧ ਵਿਕਸਤ ਕੀਤੇ ਹਨ ਅਤੇ ਸਾਨੂੰ ਐਵੇਂ ਦਾ ਕੋਈ ਵੀ ਕੰਮ ਨਹੀਂ ਕਰਨਾ ਚਾਹੀਦਾ ਜਿਸ ਨਾਲ ਇਨ੍ਹਾਂ ਸਬੰਧਾਂ ਨੂੰ ਨੁਕਸਾਨ ਪਹੁੰਚੇ। ਕਿਰਪਾ ਕਰ ਕੇ ਹੋਟਲ ਤੇ ਰੈਸਟੂਰੈਂਟ ‘ਚ ਕੰਮ ਕਰਨ ਵਾਲੇ ਕਰਮਚਾਰੀਆਂ ਨੂੰ ਟਿਪ (Tip) ਦੇਣਾ ਨਾਂ ਭੁੱਲਣਾ ਜੀ।
ਪਹਿਰਾਵਾ, ਇਤਰ, ਖ਼ੁਸ਼ਬੋ, ਤੰਬਾਕੂਨਸ਼ੀ ਤੇ ਪਾਲਤੂ ਜਾਨਵਰ – ਪਾਰਕਿੰਗ ਏਰੀਆ ਤੋਂ ਸਤਿਸੰਗ ਹਾਲ ਤਕ ਲੰਬੇ ਫਾਸਲੇ ਕਾਰਨ ਚੱਲਣ-ਫਿਰਣ ਲਈ ਆਰਾਮਦਾਇਕ ਜੁੱਤੇ ਪਾਉਣ ਦੀ ਹਿਦਾਇਤ ਦਿੱਤੀ ਜਾਂਦੀ ਹੈ। ਕੁਝ ਲੋਕਾਂ ਨੂੰ ਅਲਰਜੀ, ਦਮਾ ਆਦਿ ਸਿਹਤ ਦੀ ਸਮੱਸਿਆ ਹੋ ਸਕਦੀ ਹੈ, ਇਸ ਲਈ ਇਤਰ ਵਗੈਰਾ ਲਗਾਉਣ ਤੋਂ ਪ੍ਰਹੇਜ ਕਰੋ। ਸਤਿਸੰਗ ਦੀ ਪ੍ਰਾਪਰਟੀ ਤੇ ਸਿਗਰਟ ਪੀਣ ਦੀ ਅਤੇ ਪਾਲਤੂ ਜਾਨਵਰ ਲੈ ਕੇ ਆਉਣ ਦੀ ਮਨਾਹੀ ਹੈ। ਸਿਰਫ਼ ਸਰਟੀਫਾਈਡ ਸਰਵਿਸ ਜਾਨਵਰ ਪ੍ਰਾਪਰਟੀ ਤੇ ਲੈ ਕੇ ਆਉਣ ਦੀ ਇਜਾਜ਼ਤ ਹੈ।